من طرف ،متشبع بالطابع الشعبي الجزائري .من أشهر أغانيه الممرضة التفاحة- نبغيك
نبغيك. رابح درياسة، من مواليد مدينة البليدة التي تحد مدينة الجزائر
العاصمة من الجنوب.
تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.
عمل كعامل طلاء.ولكن ككل فنان سلبت ارضه راح الفنان رابح يغني
للجزائر معنى مثل النجمة القطبية او وردة بيضاء يخاطب فيها فتاة جزائرية
والمعنى على الجزائر لانه يذكر في اغنيته اغلب مناطق الجزائر الاغنية
شعبية ورائعة .قرر رابح اعتزال الفن في الثمانينات بعد انتشار اغاني الراي
الجزائرية احتجاجا على نوعية من الاغاني الهامشية .سيضل كل أبناء المغرب
العربي وليس الجزائري يحفظون أغانيه الخالدة الجميلة.
بعض كلمات اغانيه
الســـــــاعـة
يا ساعة يهديك دوري واجري بالرقاص
عيني تنظر في رقامك والخاطر محتار
وعد حبيبي طال وقلبي راه قطع الياس
ولات دقيقة بساعة والساعة بنهار
********************
انت قلبك راه هاني يتمشى بقياس
و انا قلبي راه يخفق كي ريشة لطيار
انت مخدومة حديدة وابن آدم حساس
في وقت الفرقة كبادو تكويها لجمار
********************
يا حليل اللي راه وحدو ما عندو وناس
طول الليل يبات قلبو تشعل فيه النار
دقات الساعة تزيدو عن حالو وسواس
ما يوجد حبيب يمسح دمعو من لبصار
********************
وانا راني غير وحدي وصبري راه خلاص
متشوق لحبيب قلبي يشفي لي لضرار
وانتي ساعة ثقيلة ورقاصك نعاس
وانا وعدي بيك خفي هذا عنك عار
العــــوامـــة
يا الحوتة شوقتيني في اللقـــــــــاء
ساهر الليل انبات مقــــــابل البحر
غير تجري بين الموجـــات زالقة
والقصب عقابك تجري بلا زهر
والصيادة في بحر الحب غـــامقة
ما سلك منها غير طويل العمــــر
***
يا الحوتة يا بنت العز واللنقــــــا
غايتي بــاه نشوفــك غير بالنظر
خاطري شــــــايق و انتي مقلقة
ورايحة لصنــانر العذاب لا خبر
دارين الطعمة في الشوك لاصقة
و كل من يضحك لك مبني على الغدر
***
يا الحوتة قولي لي يا اللايقة
شارقة فيك نجوم تشهل البصر
ساطعة كمثل الدرة مزوقة
غالية في سومك يا دارة القمر
راه لعيونك عيني مشوقة
وطول ليلي م الشوق موابد السهر
***
العداء نصبو لك شبكة مغلقة
حاذري لا يرميك الموج للخطر
توجدي الصنارة في القلب راشقة
وبيد صيادك تتشواي ع الجمر
وكيف نعمل بعدك يوم المفارقة
وبعد فقدان وين انلاقي الصبر
وليكون موضوعي اكثر ثراء ساقدم لكم بعض الاغاني على شكل فيديوهات
نبدا باغنية يحياو اولاد بلادي واهديها لكل جزائري وجزائرية
ولفريقنا الوطني خاصة
الاغنية من سنين لكن معناها مازال في قلوبنا الى اليوم
http://www.youtube.com/watch?v=V6uLE2ut6-o
يحياو اولاد بلادي
ويحياو بنات بلادي
وشنانة في الحساد
احنا اولاد الجزائر خاوة'اخوة' في كل ابلاد
اولاد الشرق الغالي
واولاد الغرب العالي
واولاد الوسط امجاد
واولاد الصحراء الباهية
والقبائل الاسياد
اولاد بلادي راية
وبنات بلادي غاية
والسر عليهم زاد
مثل الغزلان شرادة
ما يحكمهم صياد
اولاد بلادي خاوة 'اخوة'
ما تفرقهم عداوة
وما يغويهم عناد
ضحاو على الجزائر
جابوها بالجهاد
ّّّاولاد الشرق الغالي
واولاد الغرب العالي
واولاد الوسط امجاد
واولاد الصحراء الباهية
والقبائل الاسياد
